කෑගල්ල සංස්කෘතික මධ්‍යස්ථානයේ එළිමහන් රංග පීඨය අලුත්වැඩියා කිරීමට පියවර…
මැයි 2nd, 2024කෑගල්ල සංස්කෘතික මධ්‍යස්ථානයේ අලුත්වැඩියා කටයුතු කඩිනම් කරන ලෙසත්, පවතින ගැටලු සඳහා සුදුසු පියවර ගන්නා ලෙසත් බුද්ධශාසන, ආගමික හා සංස්කෘතික කටයුතු අමාත්‍ය විදුර වික්‍රමනායක මහතා අදාළ නිලධාරීන්ට උපදෙස් ලබා දුන්නේය.
අමාත්‍යවරයා මේ පිළිබඳව උපදෙස් ලබා දුන්නේ කෑගල්ල සංස්කෘතික මධ්‍යස්ථානයෙහි කටයුතු සොයා බැලීම සඳහා එම මධ්‍යස්ථානය වෙත ගිය අවස්ථාවේදීය.
එසේම සංස්කෘතික මධ්‍යස්ථානයේ පවතින එළිමහන් රංග පීඨයේ අලුත්වැඩියා කටයුතු කඩිනම් කර, කලා කටයුතු සඳහා අවස්ථාව සලසා දෙන ලෙස ද අමාත්‍යවරයා එහිදී නිලධාරීන්ට වැඩිදුරටත් උපදෙස් ලබා දුන්නේය.
විදේශ කටයුතු රාජ්‍ය අමාත්‍ය තාරක බාලසූරිය, බුද්ධශාසන, ආගමික හා සංස්කෘතික කටයුතු අමාත්‍යාංශ අතිරේක ලේකම් තිලක් හෙට්ටිආරච්චි, යන මහත්වරු අමාත්‍යංශ නිලධාරීහු, සංස්කෘතික කටයුතු දෙපාර්තමේන්තු නිලධාරීහු, ඇතුළු පිරිසක් මෙම අවස්ථාවට එක්ව සිටියහ.
බෞද්ධ කටයුතු පිළිබද දෙපාර්තමේන්තුව
මුස්ලිම් ආගමික හා සංස්කෘතික කටයුතු දෙපාර්තමේන්තුව
ජේ.ආර් ජයවර්ධන කේන්ද්රය 
