ශ්‍රීමත් ඩී.බී ජයතිලක මැතිතුමාගේ 155 වැනි ජන්ම දින සැමරුම සහ අධ්‍යාපනික ශිෂ්‍යත්ව ප්‍රදානෝත්සවය
පෙබරවාරි 15th, 2023බෞද්ධ මහා සම්මේලනයේ ප්‍රථම ගරු සභාපති ලෙස කටයුතු කළ ශ්‍රීමත් බාරොන් ජයතිලක මැතිතුමාගේ 155 වන ජන්මෝත්සවය නිමිත්තෙන් පැවති මෙම වැඩසටහනේ මූලාසනය හොබවනු ලැබුවේ ශාස්ත්‍රපති, රාජකීය පණ්ඩිත අතිපූජ්‍ය ත්‍රිකුණාමලයේ ආනන්ද ස්වාමීන්ද්‍රයන් වහන්සේ විසිනි.
බෞද්ධ ආගමික හා සංස්කෘතික කටයුතු පිළිබඳ අමාත්‍ය විදුර වික්‍රමනායක මැතිතුමාගේ සහභාගීත්වයෙන් පැවති මෙම ජන්ම දින සැමරුමේ දී ශ්‍රීමත් ඩී.බී ජයතිලක මැතිතුමා වෙනුවෙන් පුෂ්පෝපහාර පුදකරනු ලැබීය. ශ්‍රීමත් ඩී.බී ජයතිලක මැතිතුමාගේ ඥාතීන්ගේ ද සහභාගීත්වයෙන් ශ්‍රීමත් ඩී.බී.ජයතිලක අනුස්මරණ ශිෂ්‍යත්ව කමිටුව මගින් ගිහි – පැවිදි විශ්ව විද්‍යාල,පාසල් ශිෂ්‍ය ශිෂ්‍යාවන් වෙත ශිෂ්‍යත්ව ප්‍රධානය කරනු ලැබීය. වෘත්තීය ජීවිතයේ උගුර කන නාසය පිළිබඳව විශේෂඥ වෛද්‍යවරියක් ලෙසින් බොහෝ පිරිසකට කථන හැකියාව ලබා දෙමින් කරන ලද උදාරතර මෙහෙය අගයමින් සංජීවනී රූපසිංහ වෛද්‍යතුමිය වෙත බොදු මහා සමුළු ගෞරව ප්‍රණාම සම්මානය අමාත්‍ය විදුර වික්‍රමනායක මැතිතුමා විසින් පිරිනමනු ලැබූ අතර නෙකුත් ශිෂ්‍ය ශිෂ්‍යාවන් වෙනුවෙන් ශිෂ්‍යත්ව පිරිනමනු ලැබීය. ශ්‍රීමත් ඩී.බී ජයතිලක මැතිතුමා පිළිබඳ රචිත ග්‍රන්ථයක් ද එතුමන්ගේ ඥාතී දනුක සමරසිංහ මහතා විසින් අමාත්‍යතුමන් වෙත ප්‍රධානය කෙරුණි.
ගරුතර මහා සංඝරත්නය, ශ්‍රීමත් ඩී.බී ජයතිලක මැතිතුමන් ගේ ඥාතීන්, බෞද්ධ මහා සම්මේලන සභාපතිතුමන් ඇතුලු කාර්යමණ්ඩලය, ශ්‍රීමත් ඩී.බී.ජයතිලක අනුස්මරණ ශිෂ්‍යත්ව කමිටු නිලධාරීන්, කොළඹ ආනන්ද විද්‍යාලයේ විදුහල්පතිතුමන්, ශිෂ්‍යත්ව ලාභීන් දෙමාපියන් ඇතුළු බොහෝ පිරිසක් මෙම අවස්ථාව සඳහා සහභාගී වී සිටියහ.
බෞද්ධ කටයුතු පිළිබද දෙපාර්තමේන්තුව
මුස්ලිම් ආගමික හා සංස්කෘතික කටයුතු දෙපාර්තමේන්තුව
ජේ.ආර් ජයවර්ධන කේන්ද්රය 
