133 වන ජාතික පුරාවිද්‍යා දිනයට සමගාමීව උඩුගම්පොළ පත හා පොකුණ පුරාවිද්‍යා කාර්යාලයේ දී දේශන මාලාවක් !
ජූලි 10th, 2023133 වන ජාතික පුරාවිද්‍යා දිනයට සමගාමීව පුරාවිද්‍යා දෙපාර්තමේන්තුවේ බස්නාහිර පළාත් පුරාවිද්‍යා්‍යාර්යාලය සංවිධානය කරන ලද තෙදින වැඩමුළුවෙහි පළමු දින ආරම්භය බුද්ධශාසන, ආගමික හා සංස්කෘතික කටයුතු අමාත්‍ය විදුර වික්‍රමනායක මහතාගේ ප්‍රධානත්වයෙන් උඩුගම්පොළ පත හා පොකුණ පුරාවිද්‍යා කාර්යාලයේ දී අද (10) ආරම්භ විය.
හෙළ වෙදකම පිළිබඳ හැදීන්වීමක් සහ දේශීය වෛද්‍ය පැළෑටි හඳුන්වා දෙමින් ක්‍රේෂ්ත්‍ර අධ්‍යනයක් දේශීය වෛද්‍ය අමිල සංජීව මහතාගේ සම්පත් දායකත්වයෙන් මෙහිදී සිදු කළ අතර, පුරාණ ශ්රීප ලංකාවේ දේශීය වෙදකම යන මාතෘකාව යටතේ අතීතයේ පැවති සෞඛය ක්‍රම, රෝහල්, ජන්තාගර, ළිං, පොකුණු හා සෞඛය සඳහා අනුගමනය කළ නීති, වෛද්‍යවරු ආදී කරුණු ඇතුළත් කරමින් දේශනයක් කැලණිය විශ්වවිද්‍යාලයේ පුරාවිද්‍යා අධ්‍යයන අංශයේ ජ්‍යේෂ්ඨ කථිකාචාර්ය පුරාවිද්‍යාඥ නිලන්ති බණ්ඩාර මහත්මිය එහිදී සිදු කළා ය.
මහා සංඝරත්නය,හිටපු පුරාවිද්‍යා අධ්‍යක්ෂ ජනරාල් ජේෂ්ඨ මහාචාර්ය අනුර මනතුංග, කැලණිය විශ්වවිද්‍යාලයේ සංස්කෘත අධ්‍යයන අංශයේ කථිකාචාර්ය විරාජ් සූරියබණ්ඩාර,බස්නාහිර පළාත් සහකාර අධ්‍යක්ෂක පුරාවිද්‍යඥ ඩග්ලස් බණ්ඩාර, පුරාවිද්‍යා දෙපාර්තමේන්තුවේ ප්‍රවර්ධන අංශයේ අධ්‍යක්ෂක වාස්තුව්ද්‍යාඥ දීපාල් විජේතිලක යන මහත්වරු ඇතුළු පුරාිද්‍යා දෙපාර්තමේන්තුවේ බස්නාහිර පළාත් කාර්යාලයේ හා ප්‍රධාන කාර්යාලයේ නිලධාරින්, විශ්වවිද්‍යාල සිසුන් රැසක් ද මෙම අවස්ථාවට එක්වුහ.
බෞද්ධ කටයුතු පිළිබද දෙපාර්තමේන්තුව
මුස්ලිම් ආගමික හා සංස්කෘතික කටයුතු දෙපාර්තමේන්තුව
ජේ.ආර් ජයවර්ධන කේන්ද්රය 
