අනුරාධපුර වෙස්සගිරිය උරුම උද්‍යානයක් කරයි …
ජූලි 13th, 2024පුරාවිද්‍යා දෙසතිය වැඩසටහන නිමිති කරගනිමින් ඓතිහාසික අනුරාධපුර වෙස්සගිරිය පුරාවිද්‍යා ස්ථානය ‘උරුම උද්‍යානයක්’ බවට පත් පත්කිරීමේ
සමාරම්භක උත්සවය බුද්ධශාසන, ආගමික හා සංස්කෘතික කටයුතු ආමත්‍ය විදුර වික්‍රමනායක මහතාගේ ප්‍රධානත්වයෙන් අද (13) සිදු කෙරිණි.
මෙහිදී වෙස්සගිරියේ දී පර්යේෂණ කටයුතු සඳහා පර්යේෂකයන්ට අවස්ථාව ලබාදීම,නරඹන්නන්ගේ මානසික සුවතාව ඇති කිරීම,විවේක ස්ථාන පිහිටුවීම ආදී කාර්යයන් රැසක් සිදු කිරීම සඳහා සැලසුම් කර තිබේ.
වෙස්සගිරිය උරුම උද්‍යානයක් බවට පත් කිරීමේ මූලික අදියර යටතේ එහි අක්කර 26කින් යුත් සමස්ත ස්මාරක භූමිය ප්‍රදර්ශන මට්ටමට සකස් කිරීමේ කටයුතු පුරාවිද්‍යා දෙපාර්තමේන්තුවේ අනුරාධපුර ප්‍රාදේශීය කාර්යාලය මඟින් සිදු කර ඇත.
අතීතයේ දේවල් මතු කරගන්නවා වගේම ඒවා අද සහ හෙට දවසට කෙතරම් උපයෝගී වෙනවාද යන්න පිළිබඳව සිදු කෙරෙන වැඩපිළිවෙළට පුරාවිද්‍යා දෙපාර්තමේන්තුව සූදානම් වෙලා සිටින බවත් එහි නව පරිච්ඡේදයක් ලෙස වෙස්සගිරිය උරුම උද්‍යානය ආරම්භ කළ බවත් එහි පැවති මාධ්‍ය හමුවට එක්වෙමින් අමාත්‍ය විදුර වික්‍රමනායක මහතා සඳහන් කළේය.
එසේම වෙස්සගිරියේ නිවැරදි ඉතිහාසය මහජනතාව අතරට ගෙන යෑම සඳහා තොරතුරු මධ්‍යස්ථානයක් ඉදිකිරීමට නියමිත අතර ඒ ඔස්සේ මෙම ස්ථානය දියුණු කර සංචාරක ව්‍යාපාරයත් සමඟ බද්ධ කර පුරාවිද්‍යා දෙපාර්තමේන්තුවේ ආදායම් උත්පාදනය කරන ස්ථානයක් බවට ඉදිරියේදී පරිවර්තනය කිරීමට බලාපොරොත්තු වන බව පුරාවිද්‍යා අධ්‍යක්ෂ ජනරාල් මහාචාර්ය ඩී තුසිත මැන්දිස් මහතා එහිදී ප්‍රකාශ කළේය.
බුද්ධශාසන, ආගමික හා සංස්කෘතික කටයුතු අමාත්‍යාංශය අතිරේක ලේකම් කේ. ඒ. ඩී. ආර්. නිශාන්ති ජයසිංහ, මධ්‍යම සංස්කෘතික අරමුදල අධ්‍යක්ෂ ජනරාල් මහාචාර්ය ගාමිණී රණසිංහ යන මහත්ම මහත්මීහු, පුරාවිද්‍යා දෙපාර්තමේන්තු නිලධාරීහු, මධ්‍යම සංස්කෘතික අරමුදල නිලධාරීහු ඇතුළු පිරිසක් මෙම අවස්ථාවට එක්ව සිටියහ.
බෞද්ධ කටයුතු පිළිබද දෙපාර්තමේන්තුව
මුස්ලිම් ආගමික හා සංස්කෘතික කටයුතු දෙපාර්තමේන්තුව
ජේ.ආර් ජයවර්ධන කේන්ද්රය 
